Scan barcode
A review by tawfek
جن الحافي (4): نضوج القمح الأخضر by Keiji Nakazawa
4.0
قدرة هائلة علي التأثير علي المشاعر و نقل زمن و حالة و بيئة بطريقة توصل للجميع
مفيش بربع جنيه قدرة كتابة أدبية الحقيقة و ده فصلني في أجزاء كثير و انا بقرأ و انا بشوف العيوب و الاطناب و تكرار جمل زي ما هي بالحرف اكثر من مرة
و كنت ناوي ادي للجزء 3 نجوم بس لما لقيت نفسي ببكي علي موت طوموكو قلت بلاش المرة دي
نزل الجنود الأمريكان اليابان ادي للقصة جانب جديد كانت محتاجاه لأن انت خلاص كنت تقريبًا شفت كل تفاعلات أهل البلد مع بعض، و شفت معاناة قبل و بعد الحرب، و كفاح من أجل البقاء علي قيد الحياة.
دلوقتي بقي الجانب الخبيث، لما اي بلد بتبقي محتله او في حالة اليابان مهزومه في حرب و مفروض عليهم حماية او شئ مشابه، جنود العدو بيخشوا البلد و بيشتغل معاهم ناس من أهل البلد و يكونوا ثروات من وراهم، حصلت عندنا في مصر، و بتحصل في كل حته، حتي الخدمات الجنسية مش بيجيبوا عاهرات من بره بيستخدموا الموجود.
الدراسة كمان رجعت تاني ، و ده دخل بيئة جديدة لجن و أصدقاء و علاقات جديدة.
من الواضح ان الأوضاع بدأت تستقر لأن الأم و الأخ الأكبر معندهمش مشكلة انهم يلاقوا شغل بس مع ذلك واضح ان الأجر ضئيل جدًا.
للأسف بنخسر ريوتا في الجزء ده بس بفكر الحقيقة هل هي دي آخر مرة نشوفه فيها ولا لا.
و أنا بقرأ نبذة المؤلف المرة دي أخدت بالي من حاجة كيجي المؤلف خسر أبوه و أمه و أختين و أخ أصغر منه بسبب القنبلة الذرية ، حتي الآن جن خسر بالظبط نفس العدد من الأهل بنفس الجنس الا أمه، فلو القصة داخل فيها سيرة ذاتية لكيجي بشكل ما، يبقي الأم كمان هتموت في الكام جزء الجايين.
القمح نبت، و جن طلعله شعر تاني ، و جن رجعت روحه المرحة تاني، بعد ما قضي علي روحي المرحة يللا المهم انه بخير <3..
مفيش بربع جنيه قدرة كتابة أدبية الحقيقة و ده فصلني في أجزاء كثير و انا بقرأ و انا بشوف العيوب و الاطناب و تكرار جمل زي ما هي بالحرف اكثر من مرة
و كنت ناوي ادي للجزء 3 نجوم بس لما لقيت نفسي ببكي علي موت طوموكو قلت بلاش المرة دي
نزل الجنود الأمريكان اليابان ادي للقصة جانب جديد كانت محتاجاه لأن انت خلاص كنت تقريبًا شفت كل تفاعلات أهل البلد مع بعض، و شفت معاناة قبل و بعد الحرب، و كفاح من أجل البقاء علي قيد الحياة.
دلوقتي بقي الجانب الخبيث، لما اي بلد بتبقي محتله او في حالة اليابان مهزومه في حرب و مفروض عليهم حماية او شئ مشابه، جنود العدو بيخشوا البلد و بيشتغل معاهم ناس من أهل البلد و يكونوا ثروات من وراهم، حصلت عندنا في مصر، و بتحصل في كل حته، حتي الخدمات الجنسية مش بيجيبوا عاهرات من بره بيستخدموا الموجود.
الدراسة كمان رجعت تاني ، و ده دخل بيئة جديدة لجن و أصدقاء و علاقات جديدة.
من الواضح ان الأوضاع بدأت تستقر لأن الأم و الأخ الأكبر معندهمش مشكلة انهم يلاقوا شغل بس مع ذلك واضح ان الأجر ضئيل جدًا.
للأسف بنخسر ريوتا في الجزء ده بس بفكر الحقيقة هل هي دي آخر مرة نشوفه فيها ولا لا.
و أنا بقرأ نبذة المؤلف المرة دي أخدت بالي من حاجة كيجي المؤلف خسر أبوه و أمه و أختين و أخ أصغر منه بسبب القنبلة الذرية ، حتي الآن جن خسر بالظبط نفس العدد من الأهل بنفس الجنس الا أمه، فلو القصة داخل فيها سيرة ذاتية لكيجي بشكل ما، يبقي الأم كمان هتموت في الكام جزء الجايين.
القمح نبت، و جن طلعله شعر تاني ، و جن رجعت روحه المرحة تاني، بعد ما قضي علي روحي المرحة يللا المهم انه بخير <3..